பேசு உயிரே

கனவில் தினம் தோறும் தோன்றும்
உனை குவளை மலர் என்றே போற்றும்
உந்தன் நினைவு தவறாத போதம்
அது நித்தம் துடிக்கின்ற எந்தன் நாதம்.

மழையில் நீராடும் தேகம்
சுடும் வெயிலில் புழுபோல வாடும்
உன் உணர்வு மறையாத மோகம்.
அது எனது இதயத்தில் போடும் தாளம்.

கவிதை உனக்காக தொடங்கி
மனம் எழுத கூர்புத்தி செலுத்தி
கன்னி மனதை கவர்கொண்டு இழுக்க
வரும் வார்த்தை வெல்லாமல் நின்று திகைக்கும்

மௌனம் கொண்டாடும் சிலையே
மலர் மொட்டில் சீர்தூக்கும் அழகே
வானம் வந்தாடும் ஒளியே
நம் வாழ்க்கை உன் கையில் பேசு உயிரே

-----------------------------------------------------------
-------உங்கள் அன்பு இசையன்பன்-----------